શહેરના પરેશાન લોકોએ મેયરના ઘરે જઈને “આખી રાત” કર્યું આ કામ, સવારે આવી ગયો સમસ્યાનો અંત. તમે પણ કરી શકો છો.

Hits: 20

ન્યુયોર્ક. અમેરિકાનાં ઘણાં શહેરોના લોકો આખી રાત જુદી-જુદી જગ્યાએ થતી આતશબાજીથી પરેશાન છે. હાલત એ છે કે તેઓ સૂઇ નથી શકતા. સૌથી વધુ પરેશાની ન્યુયોર્ક સિટીમાં છે. ગેરકાયદે ફટાકડા પર પ્રતિબંધ છતાં અહીં બહુ જ આતશબાજી થઇ રહી છે. કેલિફોર્નિયા, બ્રુકલિન, બાલ્ટીમોર અને ઓકલેન્ડમાં પણ આ જ હાલત છે. ફરિયાદો છતાં કોઇ નિવેડો ન આવતાં ન્યુયોર્કના લોકોએ શહેરના મેયર બિલ ડી બ્લાસિયોના ઘરની બહાર આખી રાત હોર્ન વગાડ્યા. 

લોકોએ પોતાની તકલીફો તેમની સાથે શૅર કરતા કહ્યું કે અમે શાંતિથી નથી સૂઇ શકતા તો તમને પણ નહીં સૂવા દઇએ. ત્યાર બાદ મેયરે સવાર થતાં જ કડક નિર્ણયો લીધા. તેમણે 42 જણાની ટાસ્ક ફોર્સ બનાવી, જેમાં 10 પોલીસ અધિકારી, 12 ફાયર માર્શલ અને 20 ઇન્વેસ્ટિગેટર્સ સામેલ છે. આ ટીમ તપાસ ઉપરાંત સ્ટિંગ ઓપરેશનો પણ કરીને એ શોધી કાઢશે કે પ્રતિબંધ છતાં ગેરકાયદે ફટાકડા ક્યાંથી આવે છે, કોણ તેનો વેપાર કરે છે અને સપ્લાયની પદ્ધતિ શું છે? ત્યાર બાદ કસૂરવારો સામે 
કડક કાર્યવાહી કરાશે.

ઇમરજન્સી નંબર પર 1 મહિનામાં 12,500થી વધુ ફરિયાદો થઇ
લોકો એટલા પરેશાન છે કે એકલા ન્યુયોર્ક સિટીમાં ઇમરજન્સી નંબર પર 1 મહિનામાં 12,500થી વધુ ફરિયાદો નોંધાઇ છે, જે ગત વર્ષે જૂન સુધીમાં થયેલી ફરિયાદોથી 12 ગણી છે. બ્રુકલિનમાં તો જૂનમાં જ અત્યાર સુધીમાં 4,500થી વધુ ફરિયાદો થઇ ચૂકી છે.

Facebook Comments

નોંધ:- આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે કે સૂત્રો પાસેથી મેળવેલ છે અથવા તો કોઈક સોર્સ ઉપરથી લેવામાં આવેલા છે. સોર્સ દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય લેખોની જવાબદારી જે-તે લેખક (રિપોર્ટર) તથા સોર્સની રહેશે, Satyakam વેબસાઈટની કે એડિટરની રહેશે નહીં.

આપણું “Satyakam” માણતા રહો અને શેર કરતા રહો!
આપના સહકારની આશા સહ,
Satyakam News

તુષાર પટેલ

સહ સંપાદક

Leave a Reply

Your email address will not be published. Required fields are marked *

error: Content is protected !!