ગુજરાતમાં દોઢ વર્ષ બાદ નિવૃત જજ રાજેશ શુક્લાની લોકાયુક્ત તરીકે નિયુક્તિ

Hits: 11

ગુજરાતમાં છેલ્લા દોઢ વર્ષથી ખાલી પડેલ લોકાયુક્તના પદ પર સરકારે નિવૃત જજ રાજેશ શુક્લાની નિયુક્તિ કરી છે. ગુજરાતના આ પૂર્વે નિમાયેલાં લોકાયુક્ત જસ્ટિસ ડી પી બુચની પાંચ વર્ષની અવધિ ડિસેમ્બર 2018માં પૂર્ણ થયાં બાદ દોઢ વર્ષ જેટલાં સમયથી સરકારી તંત્રમાં ભ્રષ્ટાચારને રોકવા કાર્યરત સંસ્થા એવી લોકાયુક્તની કચેરીનું આ સ્થાન ખાલી રહ્યું છે.

પાંચમા લોકાયુક્ત તરીકે પસંદગી પામેલ ગુજરાત હાઇકોર્ટના નિવૃત જજ રાજેશ શુકલાનો જન્મ 27 ડિસેમ્બર 1956 ના રોજ થયો હતો. તેઓએ બીકોમ એલ એલ બી સુધીનો અભ્યાસ કર્યા બાદ વકીલાત શરૂ કરી હતી. તેઓ વર્ષ 1982થી વર્ષ 1984 સુધી રાજ્ય સરકારના સોલિસિટર તરીકે સેવાઓ આપી હતી. તે દરમ્યાન ગૃહ ,સામાન્ય વહીવટ વિભાગ ,નર્મદા, માર્ગ અને બાંધકામ વિભાગ સહીત વિવિધ વિભાગોના કેસો લડ્યા હતા. તેઓ વર્ષ 1994માં સિટી સિવિલ એને સેસન્સ કોર્ટમાં જજ બન્યા હતા. તેઓ 21 નવેમ્બર 2007 ના રોજ ગુજરાત હાઇકોર્ટમાં એડિશનલ જજ બન્યા હતા. વર્ષ 2009માં તેઓ ગુજરાત હાઇકોર્ટમાં જજ બન્યા અને 26 ડિસેમ્બર 2012ના રોજ નિવૃત થયા હતા.

રાજયના પ્રથમ લોકાયુક્ત તરીકે જસ્ટીશ ડી એચ શુકલાની નિમણુંક 26 જુલાઈ 1988ના રોજ કરી હતી. તેમણે 25 જુલાઈ 1993 સુધી ફરજ બજાવી હતી. બીજા લોકાયુક્ત તરીકે જસ્ટીશ આઈ સી ભટ્ટની સરકારે માત્ર ચાર મહિનાના ટૂંકા ગાળામાં 10 નવેમ્બર 1993ના રોજ કરી હતી. તેઓ 9 નવેમ્બર 1998 ના રોજ નિવૃત થયા હતા. ત્રીજા લોકાયુક્ત તરીકે એસ એમ સોનીની 25 નવેમ્બર 1998 ના રોજ નિમણુંક કરી હતી. જેમની મુદત 24 નવેમ્બર 2003ના રોજ પૂર્ણ થતા તેઓ નિવૃત થયા હતા.

Facebook Comments

નોંધ:- આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે કે સૂત્રો પાસેથી મેળવેલ છે અથવા તો કોઈક સોર્સ ઉપરથી લેવામાં આવેલા છે. સોર્સ દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય લેખોની જવાબદારી જે-તે લેખક (રિપોર્ટર) તથા સોર્સની રહેશે, Satyakam વેબસાઈટની કે એડિટરની રહેશે નહીં.

આપણું “Satyakam” માણતા રહો અને શેર કરતા રહો!
આપના સહકારની આશા સહ,
Satyakam News

સત્યકામ ટીમ

જન હિત અને લોકતાન્ત્રિક મુલ્યો ના આધાર પર ચાલનાર

Leave a Reply

Your email address will not be published. Required fields are marked *

error: Content is protected !!